Athygli lesenda er hér með vakin á frumlegum rannsóknum vísindasagnfræðingsins Gabríelu Rădulescu á áhugaverðu efni. Í verkum sínum fjallar hún um þróun sovétskrar umræðu um vitsmunalíf á öðrum hnöttum, aðallega eftir að Spútnik var skotið á loft árið 1957, en eins og menn vita markar sá atburður upphaf geimaldar.
Nýjasta grein Gabrielu um efnið birtist í maíhefti tímaritsins Journal for the History of Astronomy:
- Gabriela Rădulescu, 2026: “Is communication with intelligent beings of other planets possible?”: Iosif Shklovsky’s launch of Soviet SETI.
Greinin vakti talsverða athygli og fljótlega birtist um hana umsögn í fréttabréfi AIP:
- Rebecca Charbonneau, 2026: Article spotlight: Gabriela Rădulescu on Soviet SETI.
Það er ánægjulegt til þess að vita, að grunnurinn að þessum rannsóknum Gabríelu var lagður í meistararitgerð hennar við Námsleið í hugmynda og vísindasögu við Heimspeki-, sagnfræði- og fornleifafræðideild Háskóla Íslands í ársbyrjun 2020. Það var jafnframt fyrsta meistararitgerðin á þeirri námsleið:
- Gabriela Rădulescu, 2020: Communication with (Extra)Terrestrial Intelligence: Soviet Radio Astronomers, Scientific Internationalism and OuterSpace Imaginary.
Að meistaranáminu loknu fór Gabríela í doktorsnám í vísindasögu við Tækniháskólann í Berlín og lauk því haustið 2024 með ritgerðinni:
- Gabriela Rădulescu, 2024: A history of communication with extraterrestrial intelligence (CETI): astronautics and radio astronomy across the Iron Curtain (1956–1976).
Hún hefur síðan verið í tímabundinni Guggenheim nýdoktorsstöðu við hið mikla safn National Air and Space Museum í Washington DC.
.
Til baka á aðalsíðu: raunsaga.is